Usalama Wako

Tunaupa kipaumbele usalama wa data yako.

Kama data yako si salama, basi si ya faragha. Kwa hivyo, tunahakikisha kuwa huduma za Google, kama vile Tafuta, Ramani na YouTube, zinalindwa na moja ya miundombinu ya usalama ambayo ni thabiti kabisa ulimwenguni.

Usimbaji fiche hudumisha faragha ya data yako inapotumwa

Usimbaji fiche huboresha kiwango cha usalama na faragha kwenye huduma zetu. Unapofanya shughuli kama vile kutuma barua pepe, kushiriki video, kutembelea tovuti au kuhifadhi picha zako, data unayozalisha hutumika kwenye kifaa chako, huduma za Google na vituo vyetu vya data. Tunalinda data hii kwa kutumia vidhibiti vingi vya usalama, ikiwa ni pamoja na teknolojia maarufu ya usimbaji fiche kama vile HTTPS na TLS.

Miundombinu yetu ya wingu hulinda data yako wakati wote

Kuanzia kwa vituo maalum vya data hadi kebo za nyuzi baharini ambazo husafirisha data kati ya mabara, Google hutumia moja ya miundo ya wingu ambayo ni thabiti na salama zaidi ulimwenguni. Miundo hii huchunguzwa kila wakati ili kulinda data yako na kuiwasilisha unapoihitaji. Kwa hakika, tunasambaza data kati ya vituo vingi vya data, ili kukitokea moto au janga fulani, data hiyo itaweza kuhamishwa kiotomatiki na kwa urahisi hadi mahali salama.

Utambuzi wa hatari husaidia kulinda huduma zetu

Tunachunguza huduma na miundombinu yetu kila wakati ili kuilinda dhidi ya hatari, kama vile barua taka, programu hasidi, virusi na aina nyingine za misimbo hasidi.

Hatuzipi serikali idhini ya kufikia data yako moja kwa moja

Hatuwapi kwa siri watu wengine idhini ya kufikia data yako au seva zetu zinazohifadhi data hiyo. Hii inamaanisha kuwa hakuna huluki ya serikali, Marekani au kwingineko, iliyo na idhini ya kufikia maelezo ya wateja wetu moja kwa moja. Wakati mwingine, vituo vya sheria huomba idhini ya kutumia data ya wateja. Timu yetu ya wanasheria hukagua maombi haya na kuyakataa ikiwa hayana msingi wowote au hayakufuata utaratibu unaofaa. Tumejitahidi kufichua maombi haya katika Ripoti yetu ya Uwazi.

Usimbaji fiche umetumiwa kwenye picha ya Eiffel Tower

Usimbaji fiche wa Gmail hutunza faragha ya barua pepe

Kuanzia mwanzo, Gmail imekuwa ikitumia miunganisho iliyosimbwa kwa njia fiche, ambayo huzuia wavamizi wa programu kusoma barua pepe unazotuma. Gmail pia hukutahadharisha dhidi ya hatari za kiusalama, kama vile unapopokea barua pepe ambayo haikutumwa kupitia muunganisho uliosimbwa kwa njia fiche.

Bahasha ya Barua Pepe ya Gmail inaweka ishara ya onyo la kikaguzi cha usalama

Ulinzi dhidi ya barua taka kwenye Gmail huchuja barua pepe zinazoshukiwa kuwa hatari

Mashambulizi mengi ya programu hasidi na kuhadaa ili kupata maelezo ya kibinfasi huanza kwa barua pepe. Usalama wa Gmail hukulinda kutoka kwa taka, kuhadaa ili kupata maelezo ya kibinafsi, na programu hasidi vyema kuliko huduma nyingine yoyote ya barua pepe. Gmail hukagua miundo inayotokana na mamilioni ya barua pepe ili kutambua sifa za barua pepe ambazo watumiaji wameripoti kuwa taka, kisha hutumia sifa hizo kuzuia barua pepe hatari kabla ya kufikia kikasha chako. Unaweza kutusaidia kwa kuchagua "Ripoti Barua Taka" kuhusu barua pepe unazoshuku kuwa hatari.

Mafunzo ya mitambo na akili bandia(AI) husaidia kichujio cha barua taka katika Gmail kuwa sahihi zaidi. Kwa sasa, kinazuia barua taka kufikia kikasha chako kwa asilimia 99.9.

Kivinjari cha Chrome chenye taarifa ya usasishaji wa usalama

Chrome husasisha kiotomatiki usalama wa kivinjari chako

Teknolojia za usalama hubadilika kila wakati. Hivyo basi, unapaswa kupata habari kuhusu usalama kila wakati ili kuzuia madhara. Kwa sababu hiyo, Chrome hukagua kila mara kuhakikisha kuwa toleo la kivinjari unachotumia kimepakiwa zana mpya zaidi za kurekebisha hitilafu za kiusalama, ulinzi dhidi ya programu hasidi na tovuti zinazopotosha na nyinginezo. Chrome hujisasisha kiotomatiki. Kwa hivyo, utalindwa kila wakati na teknolojia ya usalama ya Chrome ya hivi karibuni.

Programu hatari inaingia kwenye kifaa

Google Play huzuia programu hatari kufikia simu yako

Moja ya athari kubwa zaidi za kiusalama kwenye kifaa chako inaweza kuwa programu unazosakinisha. Mfumo wetu wa utambuzi huripoti programu ambazo zinaweza kuwa hatari kabla ya kuwekwa katika Duka la Google Play. Kama hatuna hakika ikiwa programu ni salama, programu hiyo hukaguliwa na wanachama wa Timu ya Ulinzi wa Android. Tunapoboresha mfumo wetu wa utambuzi, tunakagua upya programu ambazo tayari ziko katika Duka la Google Play na kuondoa zile ambazo zinaweza kuwa hatari ili zisifikie kifaa chako.

Google huzuia matangazo yanayopotosha

Shughuli zako mtandaoni zinaweza kuathiriwa na matangazo ambayo yana programu hasidi, yanayofunika maudhui unayojaribu kuangalia, yanayokuza bidhaa bandia au yanayokiuka kwa njia moja au nyingine sera zetu za matangazo. Tunachunguza tatizo hili kwa makini. Kila mwaka, juhudi za wakaguzi wetu na programu thabiti huzuia takribani bilioni moja ya matangazo mbaya. Pia, tunakupa zana za kuripoti matangazo yanayoudhi na kudhibiti aina za matangazo unayoona. Na tunachapisha kila wakati maarifa na mbinu za kuboresha usalama wa intaneti kwa manufaa ya kila mtumiaji.

Orodha na Ngao ya Usalama wa Google

Linda akaunti yako kwa kutumia zana ya Ukaguzi wa Usalama

Jambo la kwanza unaloweza kufanya ili kulinda Akaunti yako ya Google ni kufanya Ukaguzi wa Usalama. Tulibuni zana hii ili kukusaidia kuthibitisha kuwa maelezo yako ya kurejesha akaunti yamesasishwa, na kwamba tovuti, programu na vifaa vilivyounganishwa na akaunti yako ndivyo unavyotumia na kuamini. Kama unashuku kitu chochote, unaweza kubadilisha mipangilio yako au nenosiri mara moja. Ukaguzi wa Usalama huchukua dakika chache tu, na unaweza kuufanya mara nyingi utakavyo.

Fanya Ukaguzi wa Usalama
Gmail inapokea tahadhari kuhusu shughuli inayoshukiwa kuwa hatari

Pata arifa za tahadhari kuhusu shughuli zinazoshukiwa kuwa hatari

Kulinda akaunti yako kutoka kwa watu wabaya, tunaangalia kwa makini ili kutambua shughuli isiyo ya kawaida na kukujulisha wakati kuna kitu chochote kinachotiliwa shaka. Kwa mfano, kama kifaa kisichojulikana kikijaribu kuingia katika akaunti yako au maelezo yako ya mbinu za kurejesha uwezo wa kufikia akaunti yakibadilishwa, tunawasiliana nawe mara moja ili uthibitishe kuwa shughuli hii ni yako. Utapokea arifa kupitia barua pepe. Pia, unaweza kujisajili ili kupokea SMS kwenye simu yako.

Kuingia katika akaunti ya kifaa na kivinjari kwa kutumia msimbo sawa wa uthibitishaji

Imarisha mbinu yako ya kuingia katika akaunti ili kuzuia uvamizi wa data

Nenosiri thabiti huzuia wavamizi na huweka akaunti yako salama. Kuunda nenosiri nzuri, hakikisha kwamba ni la kipekee, kwamba linajumuisha mchanganyiko wa herufi, nambari, na alama, na kwamba unalitumia kwenye Google pekee.

Pia, tunalinda akaunti yako kwa kutoa huduma ya Uthibitishaji wa Hatua Mbili. Ukifanya Uthibitishaji wa Hatua Mbili, utahitaji kuwa na zaidi ya nenosiri ili kuingia katika akaunti yako. Huu unaweza kuwa msimbo wenye tarakimu 6 unaotumwa kwenye simu yako au, kwa ulinzi zaidi dhidi ya programu ya kuhadaa ili kupata maelezo ya kibinafsi, Funguo Salama unaloweka kwenye mlango wa USB wa kompyuta yako.

Kivinjari kinaonyesha manenosiri yaliyolindwa katika Chrome

Linda akaunti yako kwa kutumia zana hizi za usalama wa nenosiri

Ukiruhusu kidhibiti cha manenosiri kilichotengenezewa ndani ya Chrome kukumbuka manenosiri yako ya tovuti mbalimbali, utaweza kuunda kwa urahisi manenosiri thabiti na ya kipekee kwa kila tovuti. Unaweza pia kuongeza Kilinda Nenosiri, ambacho ni kiendelezi cha Chrome kinachokusaidia kuzuia uvamizi kutoka kwa programu ya kuhadaa ili kupata maelezo ya kibinafsi, kwa kukutahadharisha unapoweka nenosiri lako la Google kwenye tovuti isiyo ya Google.

Huduma ya Ramani za Google kwenye kivinjari inatambua mahali ilipo simu yako iliyopotea ambayo imefungwa kutoka mbali

Linda akaunti yako unapopoteza simu yako

Kama umepoteza simu yako, tembelea Akaunti Yangu ili kulinda data yako kwa kufuata hatua chache za haraka. Kama unatumia kifaa cha Android au iOS, unaweza kutambua mahali kilipo na kukifunga, kubadilisha nenosiri lako, kuongeza ujumbe maalum kwenye skrini ya kwanza au hata kufuta data yote iliyo kwenye simu yako.