तपाईँको सुरक्षा

हामीले गर्ने सबै कामहरूमा सर्वप्रथम सुरक्षा आउँछ।

यदि तपाईँको डेटा सुरक्षित छैन भने त्यो निजी रहदैन। त्यसकारण हामी खोज, नक्सा र YouTube जस्ता Google का सेवाहरूलाई संसारको सबैभन्दा उन्नत सुरक्षा सम्बन्धी पूर्वाधारहरूद्वारा सुरक्षित गरिएको छ भन्ने कुरा सुनिश्चित गछौँ।

ट्रान्जिटको बेलामा इन्क्रिप्सनले तपाईँको डेटालाई निजी राख्छ

इन्क्रिप्सनले हाम्रा सेवाहरूमा उच्च स्तरको सुरक्षा र गोपनीयता ल्याउँछ। तपाईँले इमेल पठाउने, भिडियो साझेदारी गर्ने, वेबसाइटमा जाने वा आफ्ना तस्बिरहरू भण्डारण गर्ने जस्ता कुुराहरू गर्दा तपाईँले सिर्जना गरेको डेटा तपाईँको यन्त्र, Google का सेवाहरू र हाम्रा डेटा केन्द्रहरू बीच स्थानान्तरित भइराख्दछ। हामी यस डेटालाई HTTPS र परिवहन तहको सुरक्षा जस्ता प्रमुख इन्क्रिप्सन प्रविधि लगायतका सुरक्षाका बहु तहरूले सुरक्षित राख्छौँ।

हाम्रो क्लाउड पूर्वाधारले तपाईँको डेटा २४/७ सुरक्षित राख्छ

Google महादेशहरूको बीचमा डेटा स्थानान्तरण गर्ने अनुकूलन विधिले डिजाइन गरिएका डेटा केन्द्रहरू देखि समुद्रमुनिका फाइबर केबलहरूसम्म संसारको सबैभन्दा सुरक्षित र विश्वसनीय क्लाउड पूर्वाधारहरूको सञ्चालन गर्छ। र तपाईँको डेटा सुरक्षित राख्न र आवश्यक परेको बेला उपलब्ध गराउनको लागि त्यसलाई निरन्तर रूपमा अनुगमन गरिन्छ। वास्तवमा भन्ने हो भने हामी आगलागी, वा विपत्तिको घटनामा डेटालाई स्वत: सुरक्षित र स्थिर स्थानहरूमा सार्न सकियोस् भन्नका खातिर त्यसलाई धेरै डेटा केन्द्रहरूबाट वितरण गर्दछौँ।

खतरा पत्ता लगाउने सुविधाले हाम्रा सेवाहरूलाई सुरक्षित राख्ने काम गर्छ

स्प्याम, मालवेयर, भाइरस र खराब कोडका अन्य स्वरूपहरूबाट हाम्रा सेवाहरू र अन्तरनिहित पूर्वाधारलाई सुरक्षित राख्नको लागि हामी निरन्तर रूपमा तिनीहरूको अनुगमन गर्दछौँ।

हामी सरकारहरूलाई तपाईँको डेटामाथि सोझै पहुँच दिँदैनौँ

हामी कहिल्यै पनि तपाईँको डेटा, अवधि भण्डारण गर्ने तपाईँको डेटा वा हाम्रा सेवाहरूमाथि “गुप्त” पहुँच दिदैनौँ। यसको मतलब कुनै सरकारी निकाय, अमेरिका वा अन्यसँग हाम्रा प्रयोगकर्ताहरूको जानकारीमाथि सोझै पहुँच हुँदैन। कहिलेकाहीँ हामी कानून प्रवर्तक एजेन्सीहरूबाट प्रयोगकर्ताको डेटाको लागि अनुरोध प्राप्त गछौँ। हाम्रो कानुनी टोलीले यी अनुरोधहरूको समीक्षा गर्दछ र अनुरोध निकै व्यापक वा सही प्रक्रिया पालनाा नगरेको पाइएमा त्यसलाई फिर्ता पठाउँछ। हामीले हाम्रो पारदर्शी रिपोर्ट मा यी डेटा अनुरोधहरूका बारेमा स्पष्ट हुन सकेसम्मको प्रयास गरेका छौँ।

इन्क्रिप्सन एफिल टावरको तस्बिर भन्दा पनि विस्तृत छ

Gmail इन्क्रिप्सनले इमेलहरूलाई निजी राख्छ

पहिलो दिन देखि नै Gmail ले इन्क्रिप्ट गरिएका जडानहरूलाई समर्थन गर्दै आएको छ जसले खराब मान्छेहरूलाई तपाईँले पठाइरहनभएको कुरा पढ्न कठिन बनाउँछ। Gmail ले तपाईँले इन्क्रिप्ट गरिएको जडान मार्फत नपठाइएको इमेल प्राप्त गर्दा लगायत सुरक्षाको सम्बन्धमा सम्भावित जोखिम बारे चेतावनी दिन्छ।

Gmail को इमेल सम्बन्धी खामले सुरक्षा स्क्यानरको चेतावनीको संकेत दिन्छ

Gmail स्प्याम सुरक्षाले शंकास्पद इमेलहरूलाई फिल्टर गरेर हटाउँँछ

धेरैजसो मालवेयर र फिसिङ सम्बन्धी आक्रमण एउटा इमेलबाट सुरु हुन्छन्। Gmail सुरक्षाले स्प्याम, फिसिङ र मालवेयरबाट कुनै पनि अन्य इमेल सेवाभन्दा राम्रो सुरक्षा प्रदान गर्दछ। Gmail ले प्रयोगकर्ताले स्प्यामको रूपमा चिह्न लगाएको इमेलका विशेषताहरूको पहिचान गर्न अरबौं संदेशहरूबाट लिइएका ढाँँचाहरूको विश्लेषण गर्दछ र शंकास्पद वा खतरनाक इमेलहरू तपाईँसम्म पुग्नुभन्दा पहिले रोक्न ती चिह्नहरूको प्रयोग गर्दछ। तपाईँले आफूले प्राप्त गर्नुहुने शंकास्पद इमेलहरूका लागि "स्प्यामको रिपोर्ट गर्नुहोस्" लाई चयन गरेर मद्दत गर्न सक्नुहुन्छ।

मेसिनको अध्ययन र कृत्रिम बुद्धिमत्ताले Gmail को स्प्याम फिल्टरलाई अझ सही हुन मद्दत गर्दछ। यसले अब ९९.९% स्प्यामलाई तपाईँको इन्बक्सबाट बाहिर राख्दछ।

सुरक्षा अद्यावधिक हुँदै गरेको Chrome ब्राउजर

Chrome ले तपाईँको ब्राउजरको सुरक्षालाई स्वतः अद्यावधिक गर्दछ

सुरक्षा प्रविधिहरू सधैँ परिवर्तनशील हुन्छन्, त्यसैले सुरक्षित रहुनु भनेको अद्यावधिक रहनु हो। त्यसकारण Chrome तपाईँले प्रयोग गरिरहनुभएको बाउजरको संस्करण पछिल्ला सुरक्षा समाधान, मालवेयर र भ्रामक साइटहरूबाट सुरक्षा र थप कुराहरू मार्फत अद्यावधिक छ भनी पक्का गर्न नियमित रूपमा जाँँच गर्छ। Chrome स्वत: अद्यावधिक हुन्छ, त्यसैले तपाईँसँग सधैँ तपाईँको सुरक्षा गरिरहने Chrome को पछिल्लो सुरक्षा प्रविधि हुन्छ।

हानिकारक अनुप्रयोग यन्त्रमा पसेर लुक्दछ

Google Play ले सम्भावित हानिकारक अनुप्रयोगहरूलाई तपाईँको फोनबाट टाढा राख्छ

तपाईँले यसमा स्थापना गर्ने अनुप्रयोगहरू नै तपाईँको यन्त्रको सबैभन्दा ठूलो सुरक्षाको भेद्यता मध्ये एक हुन सक्छन्। हाम्रो पहिचान प्रणालीले सम्भावित हानिकारक अनुप्रयोगहरू Play Store सम्म पुग्नभन्दा पहिले तिनीहरूलाई फ्ल्याग गर्छ। यदि हामी कुनै अनुप्रयोग सुरक्षित छ कि छैन भनेर निश्चित छैनौँ भने त्यसलाई Android को सुरक्षा टोलीका सदस्यहरूद्वारा म्यानुअल रूपमा समीक्षा गरिन्छ। हामी हाम्रो पहिचान प्रणालीलाई परिष्कृत गर्दछौँ, Google Play मा पहिले देखि नै रहेका अनुप्रयोगहरूको पुनःमूल्याङ्कन गर्दछौँ र हानिकारक हुन सक्ने कुराहरू तपाईँको यन्त्रमा रहन नसकून् भन्नका खातिर तिनीहरूलाई हटाउँछौँ।

Google ले दुर्भावनापूर्ण र भ्रमपूर्ण विज्ञापनहरूलाई रोक्छ

मालवेयर समावेश गर्ने, तपाईँले हेर्न खोजेको सामग्रीलाई छोप्ने, नक्कली सामानहरूको प्रबर्धन गर्ने वा अन्यथा हाम्रो विज्ञापन सम्बन्धी नीतिहरूको उल्लङ्घन गर्ने विज्ञापनहरूले गर्दा तपाईँको अनलाइन अनुभव सुखद नहुन सक्छ। हामी यस समस्यालाई धेरै गम्भीरताका साथ लिन्छौँ। हरेक वर्ष समीक्षकहरूसँगको हाम्रो संयोजन र अत्याधुनिक सफ्टवेयरले लगभग अरबौं खराब विज्ञापनहरूलाई रोक्दछन्। हामी आक्षेपयुक्त विज्ञापनहरूको रिपोर्ट गर्न तपाईँलाई उपकरणहरू पनि दिन्छौँ र तपाईँले हेर्नुहुने विभिन्न प्रकारका विज्ञापन‍हरूलाई नियन्त्रण गर्छौँ। र सबैलाई इन्टरनेट थप सुरक्षित बनाउनका लागि मद्दत गर्न हामी हाम्रा इनसाइट‍ र उत्तम अभ्यासहरूलाई सक्रिय रूपमा प्रकाशित गछौँ।

तपाईं अनलाइन सुरक्षित रहन सक्नुहोस् भन्नका खातिर मद्दत गर्ने शीर्ष सुझावहरू

यी द्रुत सुझावहरूमार्फत आफ्ना अनलाइन खाताहरू र व्यक्तिगत डेटा सुरक्षित राख्नुहोस्।

  • आफ्ना यन्त्रहरूको सुरक्षा गर्नुहोस्

  • फिसिङ प्रयासहरूबाट जोगिनुहोस्

  • सुरक्षित तरिकाले इन्टरनेट ब्राउज गर्नुहोस्

Google सुरक्षा सिल्ड र जाँच सूची

भरपर्दो पासवर्ड सिर्जना गर्नुहोस्

आफ्ना अनलाइन खाताहरूलाई सुरक्षित राख्न भरपर्दो, सुरक्षित पासवर्ड सिर्जना गर्नु सबैभन्दा महत्त्वपूर्ण कदम हुन्छ। तपाईं आफूले नबिर्सने तर अरूले अनुमान गर्न नसक्ने शब्दहरूको श्रृङ्खला प्रयोग गरी यसो गर्न सक्नुहुन्छ। वा एउटा लामो वाक्यका प्रत्येक शब्दको पहिलो अक्षरलाई लिएर पासवर्ड बनाउन सक्नुहुन्छ। तपाईको पासवर्ड जति लामो भयो त्यति नै भरपर्दो हुने हुनाले यसलाई अझ बलियो बनाउन पासवर्डलाई कम्तीमा ८ वर्ण लामो बनाउनुहोस्।

सुरक्षासम्बन्धी प्रश्नहरूका जवाफ सिर्जना गर्न लगाइएको खण्डमा अनुमान गर्नै गाह्रो बनाउन नक्कली जवाफ प्रयोग गर्नेबारे विचार गर्नुहोस्।

कहिल्यै उही पासवर्ड दुईपटक प्रयोग नगर्नुहोला

प्रत्येक खातामा अद्वितीय पासवर्ड प्रयोग गर्नुहोस्

Google खाता, सामाजिक मिडिया प्रोफाइल र खुद्रा बिक्रेताका वेबसाइटहरू जस्ता एकभन्दा बढी खाताहरूमा उही पासवर्ड प्रयोग गर्नुले तपाईंको सुरक्षालाई अझ जोखिमपूर्ण बनाउँछ। यो तपाईंको घर, कार र कार्यालय लक गर्न उही साँचो प्रयोग गरे जस्तो हो – कसैले एउटा लक खोल्न सक्यो भने बाँकी सबैको सुरक्षा जोखिममा पर्दछ।

एकभन्दा बढी पासवर्डहरूका ट्र्याक गर्नुहोस्

Chrome ब्राउजरमा Google स्मार्ट लक जस्तो पासवर्ड प्रबन्धकले तपाईंलाई आफ्ना विभिन्न अनलाइन खाताका पासवर्डहरू सुरक्षित राख्न तथा तिनीहरूलाई ट्रयाक गर्न मद्दत गर्दछ। यसले तपाईंको सुरक्षासम्बन्धी प्रश्नहरूका जवाफहरू समेत ट्र्याक गर्न सक्छ र तपाईंका लागि अनियमित पासवर्डहरू उत्पन्न गर्न सक्छ।

२ चरण प्रमाणीकरणमार्फत ह्याकरहरूबाट जोगाउनुहोस्‌

२ चरण प्रमाणीकरण ले तपाईंलाई लग इन गर्नका लागि तपाईंको प्रयोगकर्ताको नाम र पासवर्डको शीर्ष भागमा रहेको सहायक तत्त्व प्रयोग गर्न लगाएर तपाईंको खातामाथि पहुँच नराख्नुपर्ने मान्छेहरूलाई पहुँचबाट टाढा राख्न मद्दत गर्छ। Google मार्फत कुनै विश्वसनीय यन्त्रबाट लग इन स्वीकार गर्ने, उदाहरणका लागि, यो Google प्रमाणक अनुप्रयोग वा तपाईंको Google अनुप्रयोगमा प्रम्प्टबाट उत्पन्न गरिएको छ अंकको कोड हुनसक्छ।

फिसिङ विरुद्ध थप सुरक्षाको लागि तपाईं आफ्नो कम्प्युटरको USB पोर्टमा सम्मिलित गर्ने वा NFC (Near Field Communication) वा ब्लुटुथ प्रयोग गरी तपाईंको मोबाइल यन्त्रमा जोडिने भौतिक सुरक्षा साँचो प्रयोग गर्न सक्नुहुन्छ।

आफ्नो सफ्टवेयर अद्यावधिक राख्नुहोस्‌

सुरक्षासम्बन्धी जोखिमहरूबाट आफूलाई सुरक्षित राख्न तपाईंका वेब ब्राउजर, अपरेटिङ प्रणाली, प्लगिन वा कागजात सम्पादन सफ्टवेयर जस्ता सम्पूर्ण अनुप्रयोगहरूमा सँधै अद्यावधिक सफ्टवेयरको प्रयोग गर्नुहोस् आफ्नो सफ्टवेयर अद्यावधिक गर्न सूचनाहरू प्राप्त गर्नुभएपश्चात् जतिसक्दो चाँडो अद्यावधिक गर्नुहोला।

तपाईंले सधैँ पछिल्ला संस्करणहरू चलाई राख्नुभएको छ भन्ने कुरा सुनिश्चित गर्न आफूले नियमित रूपमा प्रयोग गर्ने सफ्टवेयरको समीक्षा गर्नुहोस्। Chrome ब्राउजरलगायतका केही सेवाहरू स्वत: अद्यावधिक हुनेछन्।

स्क्रिन लक प्रयोग गर्नुहोस्‌

कसैले तपाईंको यन्त्र खोल्न नसकोस् भन्नका खातिर आफ्नो कम्प्युटर, ल्याप्टप, ट्याब्लेट वा फोन प्रयोग नगरेको बेला ती यन्त्रको स्क्रिन लक गर्नुहोस्‌। थप सुरक्षाका लागि आफ्नो यन्त्रलाई शयन अवस्थामा रहेको बेला स्वत: लक हुने स्थितिमा सेट गर्नुहोस्‌।

फोन हराएको खण्डमा उक्त फोन लक गर्नुहोस्

तपाईंको फोन कहिल्यै हराएको वा चोरी भएको अवस्थामा केही द्रुत चरणहरूमार्फत आफ्नो डेटा सुरक्षित राख्न मेरो खाता मा गई “आफ्नो फोन फेला पार्नुहोस्” नामक विकल्प चयन गर्नुहोस्। तपाईंसँग Android वा iOS यन्त्र छ भने कसैले पनि तपाईंको फोन प्रयोग गर्न वा तपाईंको व्यक्तिगत जानकारीमाथि पहुँच राख्न नसकोस भन्नका खातिर तपाईं आफ्नो फोन टाढैबाट पत्ता लगाउन र लक गर्न सक्नुहुन्छ।

ब्राउजर Chrome मा सुरक्षित गरिएका पासवर्डहरू देखाउँछ

आफ्नो फोनबाट सम्भावित हानिकारक अनुप्रयोगहरूलाई टाढा राख्नुहोस्

सधैँ आफूले विश्वास गर्ने स्रोतबाट तपाईंका मोबाइल अनुप्रयोगहरू डाउनलोड गर्नुहोला। Android यन्त्रहरू सुरक्षित राख्नमा मद्दत गर्न तपाईंले Google Play स्टोरबाट अनुप्रयोगहरू डाउनलोड गर्नुअघि Google Play संंरक्षणले अनुप्रयोगहरूको सुरक्षा जाँच गर्दछ र आवधिक रूपमा तपाईंको यन्त्रमा अन्य स्रोतहरूबाट आउने सम्भावित हानिकारक अनुप्रयोगहरूको जाँच गर्दछ।

तपाईंको डेटा सुरक्षित राख्न:

  • आफ्ना अनुप्रयोगहरूको समीक्षा गर्नुहोस् र तपाईंले प्रयोग नगर्ने अनुप्रयोग मेट्नुहोस्
  • आफ्नो एप स्टोर सेटिङहरूमा गई स्वतः अद्यावधिकहरू नामक सुविधा सक्षम पार्नुहोस्
  • तपाईंले विश्वास गर्ने अनुप्रयोगहरूमा आफ्नो स्थान र तस्बिरहरूलगायत संवेदनशील डेटालाई मात्र पहुँच राख्न दिनुहोस्‌।

धोका दिने खालका योजना, नक्कली पुरस्कार र उपहारहरूमार्फत लोभ्याउने इमेलसँग सतर्क रहनुहोस्‌

तपाईंले केही जित्नुभएको, कुनै सर्वेक्षण पूरा गरेबापत पुरस्कारहरू पाउनुभएको प्रस्ताव वा पैसा आर्जन गर्ने द्रुत उपायहरूको प्रबर्धन गर्ने जस्ता अपरिचितहरूबाट आएका पत्याउनै नसकिने सन्देशहरू सधैँ नै शंकास्पद हुन्छन्। शंकास्पद लिंकहरूमा कहिल्यै क्लिक नगर्नुहोला र कहिल्यै शंकास्पद फारम तथा सर्वेक्षणहरूमा व्यक्तिगत जानकारी प्रविष्ट नगर्नुहोला।

व्यक्तिगत जानकारी माग गर्ने अनुरोधहरूसँग सावधान रहनुहोस्

पासवर्ड, बैंक खाता र क्रेडिट कार्ड नम्बरहरू वा तपाईंको जन्मदिन जस्ता व्यक्तिगत जानकारी माग्ने शंकास्पद इमेल, तात्कालिक सन्देश वा पप अप विन्डोहरूलाई जवाफ नदिनुहोला। उक्त सन्देश तपाईंको बैंक जस्तो तपाईंले विश्वास गर्ने साइटबाट आएको भए तापनि लिंकमा क्लिक नपठाउनुहोला वा कुनै सन्देशको जवाफ नदिनुहोला। आफ्नो खातामा लग इन गर्न सीधै उनीहरूको वेबसाइट वा अनुप्रयोगमा जानु सुरक्षित हुन्छ।

नबिर्सनुहोला, असल साइट र सेवाहरूले तपाईंलाई इमेलमार्फत आफ्ना पासवर्डहरू वा वित्तीय जानकारी पठाउन भनी सन्देशहरू पठाउनेछैनन्‌।

छद्मवेशीहरूसँग सतर्क रहनुहोस्‌

तपाईंको कुनै परिचित व्यक्तिबाट तपाईंलाई अनौठो किसिमको इमेल आएको छ भने उक्त व्यक्तिको खाता ह्याक भएको हुनसक्छ।

यो खोज्नुहोस्:

  • पैसाका लागि जरुरी प्रकृतिका अनुरोधहरू
  • कुनै अर्को देशमा अलपत्र परेको भनी दाबी गर्ने व्यक्ति
  • आफ्नो फोन चोरिएकोले कल गर्न मिल्दैन भनिरहेको व्यक्ति

इमेल असल हो भनी पुष्टि गर्न नसकेसम्म उक्त सन्देशको जवाफ नदिनुहोला वा कुनै लिंकमा क्लिक नगर्नुहोला।

डाउनलोड गर्नुअघि फाइलहरूलाई राम्ररी जाँच्नुहोस्

संक्रमित कागजात र PDF एट्याच्मेन्टमार्फत केही जटिल किसिमका फिसिङ आक्रमणहरू हुन सक्छन्‌। तपाईंले कुनै शंकास्पद एट्याच्मेन्ट भेट्टाउनुभयो भने यसलाई सुरक्षित रूपमा खोल्न र आफ्नो यन्त्रमा संक्रमणको जोखिम कम गर्न Chrome वा Google ड्राइभ प्रयोग गर्नुहोस्। हामीले कुनै भाइरस पत्ता लगायौं भने हामी तपाईंलाई चेतावनी देखाउनेछौँ।

सुरक्षित नेटवर्कहरूको प्रयोग गर्नुहोस्

पासवर्ड चाहिने नै भए पनि, सार्वजनिक वा नि: शुल्क WiFi प्रयोग गर्दा सावधान रहनुहोस्। तपाईंले सार्वजनिक नेटवर्कमा जडान गर्दा तपाईंको नजिकै रहेका जोसुकैले पनि तपाईंले हेर्नुभएका वेबसाइट र तपाईंले साइटहरूमा टाइप गर्नु भएको जानकारी जस्ता तपाईंको इन्टरनेटसम्बन्धी गतिविधि अनुगमन गर्न सक्छन्‌। सार्वजनिक वा नि: शुल्क WiFi प्रयोग गर्नु नै तपाईंको एक मात्र विकल्प हो भने Chrome ब्राउजरले तपाईंलाई ठेगाना पट्टीमा कुनै साइट सुरक्षित छ छैन भनी जानकारी दिनेछ।

संवेदनशील जानकारी प्रविष्ट गर्नुअघि जडानहरू सुरक्षित छन् वा छैनन् भनी जाँच्नुहोस्

तपाईं वेब ब्राउज गर्दै हुनुहुन्छ भने – र खासगरी तपाईं पासवर्ड वा क्रेडिट कार्डका विवरणहरू प्रविष्ट गर्न चाहनुहुन्छ भने – तपाईंले खोल्नुभएका साइटहरूको जडान सुरक्षित छ भन्ने कुरा सुनिश्चित गर्नुहोस्। सुरक्षित URL HTTPS बाट सुरु हुन्छ। Chrome ब्राउजरले URL फिल्डमा हरियो रङमा पूर्ण रूपमा लक गरिएको आइकन र “सुरक्षित” भनी देखाउँछ। सुरक्षित छैन भने यो "सुरक्षित छैन" भनी लेखिएको हुन्छ। HTTPS ले तपाईंको ब्राउजर वा अनुप्रयोगलाई तपाईंले हेर्नुभएका वेबसाइटहरूमा सुरक्षित तरिकाले जडान गरेर तपाईंको ब्राउजिङलाई सुरक्षित राख्न मद्दत गर्दछ।