Таны аюулгүй байдал

Бид хийж буй зүйлсдээ нэн түрүүнд таны аюулгүй байдлыг чухалчилдаг.

Хэрэв таны өгөгдөл хамгаалалтгүй байвал бусдад нээлттэй болно. Тиймээс бид Хайлт, Газрын зураг, Youtube зэрэг Google-н үйлчилгээг дэлхийн хамгийн дэвшилтэт аюулгүй байдлын дэд бүтцээр хамгаалдаг.

Шифрлэлт нь таны өгөгдлийг дамжуулах явцад нууцлалтайгаар хадгалдаг

Шифрлэлтийн тусламжтайгаар бид үйлчилгээнийхээ аюулгүй байдал, нууцлалыг өндөр түвшинд хадгалж чаддаг. Таны имэйл илгээх, видео хуваалцах, вэб хуудаст зочлох, зураг хадгалах зэргээр үүсгэсэн өгөгдөл нь таны төхөөрөмж, Google-н үйлчилгээ болон манай өгөгдлийн төв хооронд шилждэг. Бид энэ өгөгдлийг шифрлэлтийн тэргүүлэх технологи болох HTTPS болон Шилжүүлэлтийн давхаргын аюулгүй байдал зэрэг аюулгүй байдлын хэд хэдэн давхаргаар хамгаалдаг.

Манай cloud дэд бүтэц таны өгөгдлийг 24/7-н турш хамгаалдаг

Google хувь хүний загварчилсан өгөгдлийн төвөөс эхлүүлээд тив хооронд өгөгдөл дамжуулдаг далайн гүн дэх шилэн кабель хүртэл дэлхийн хамгийн аюулгүй, найдвартай cloud дэд бүтцийг бий болгодог. Мөн таны өгөгдлийг хамгаалах болон танд шаардлагатай үед бэлэн байлгах тал дээр тогтмол хяналт тавьдаг. Үнэн хэрэгтээ бид өгөгдлийг хэд хэдэн төвд хуваарилан хадгалдаг бөгөөд ингэснээр гал түймэр, гамшигт үзэгдэл тохиолдоход тэдгээрийг тогтвортой, аюулгүй байршилд автоматаар, тасралтгүйгээр шилжүүлдэг.

Бид аюул илрүүлэгчийн тусламжтайгаар үйлчилгээгээ хамгаалдаг

Бид үйлчилгээ болон үндсэн дэд бүтцээ аюул занал, спам, хортой код, вирус болон бусад хэлбэрийн аюултай кодоос сэргийлэхийн тулд тогтмол хянадаг.

Бид засгийн газрыг таны өгөгдөлд шууд хандахыг зөвшөөрдөггүй

Бид таны өгөгдөл болон тэдгээрийг хадгалдаг сервертээ “арын хаалга”-р хандах эрхийг хэнд ч олгодоггүй. Ингэснээр төрийн ямар ч байгууллага, АНУ болон бусад аль ч орон манай хэрэглэгчдийн мэдээлэлд шууд хандаж чадахгүй. Зарим тохиолдолд хууль сахиулах байгууллагаас хэрэглэгчийн талаарх мэдээлэл авах хүсэлт ирдэг. Манай хууль, эрх зүйн багийнхан эдгээр хүсэлтийг шалгаж, хэрэв тухайн хүсэлт хэт өргөн хүрээтэй, эсвэл зохих үйл явцаас гажсан тохиолдолд түдгэлзсэн хариуг илгээдэг. Бид эдгээр хүсэлтийг нээлттэй байлгах үүднээс шаргуу ажиллаж, Ил тод байдлын тайлан-г гаргасан.

Шифрлэлт Эйфелийн цамхгийн зургийг өргөтгөдөг

Gmail-н шифрлэлт нь имэйлийг нууцлалтай хадгалдаг

Gmail нь үүсгэн байгуулагдсан цагаасаа хойш таны илгээж буй имэйлийг гэмт этгээдүүд уншихаас сэргийлэх зорилготой шифрлэсэн холбоосыг ашигласаар ирсэн. Мөн танд шифрлээгүй холбоосоос имэйл ирсэн тохиолдолд Gmail-с аюулгүй байдлын болзошгүй эрсдэлийн талаар сануулга илгээх болно.

Gmail имэйлийн дугтуй нь аюулгүй байдлын сканерийн сануулгын тэмдгийг унтраадаг

Gmail-н спам хамгаалалт нь сэжигтэй имэйлийг шүүдэг

Маш олон тооны хортой код, фишинг халдлага нь имэйлээс эхэлдэг. Gmail-н аюулгүй байдал нь таны спам, фишинг, хортой код зэргээс бусад имэйл үйлчилгээнээс илүүтэйгээр хамгаалдаг. Хэрэглэгчдийн спам гэж тэмдэглэсэн имэйлийг аюултай эсэхийг тодорхойлохын тулд Gmail хэдэн сая зурвасын загварыг шинжилж, танд сэжиг бүхий, аюултай имэйл ирэхээс өмнө тэдгээрийг тухайн тэмдэглэгээг ашиглан блоклодог. Танд сэжигтэй имэйл ирсэн бол "Спам мэдээллэх" сонголтыг дарж, бидэнд мэдэгдэх боломжтой.

Компьютерийн программууд болон хиймэл оюун ухааны тусламжтайгаар Gmail-н спам шүүлтүүрийг илүү нарийвчлалтай гаргадаг. Ингэснээр танд спам имэйл ирэхээс 99.9%-р хамгаалж чаддаг.

Аюулгүй байдлын шинэчлэлтийн явц бүхий Chrome-н хөтөч

Chrome таны хөтчийн аюулгүй байдлыг автоматаар шинэчилдэг

Аюулгүй байдлын технологи нь цаг ямагт шинэчлэгддэг учир аюулгүй байх нь цаг үетэйгээ хөл нийлүүлэхтэй ижил утгатай болж байна. Тиймд таны ашиглаж буй хөтчийг хамгийн сүүлийн үеийн аюулгүй байдлын засвар, хортой код, хуурамч сайт болон бусад аюултай үйл ажиллагааны хамгаалалт бүхий хувилбараар шинэчилсэн эсэхийг Chrome-с тогтмол шалгадаг. Chrome автоматаар шинэчлэгддэг учир таныг Chrome-н хамгийн сүүлийн үеийн аюулгүй байдлын технологи хамгаалж байгаа юм.

Аюултай апп-г төхөөрөмжид санамсаргүйгээр суулгадаг

Google Play таны утсыг аюултай байж болзошгүй апп-с хамгаалдаг

Таны төхөөрөмжийн аюулгүй байдалд таны суулгасан апп хамгийн том нөлөө үзүүлдэг. Манай илрүүлэх систем аюултай байж болзошгүй апп-г Play Store-д орохоос нь өмнө олж тогтоодог. Хэрэв бид тухайн апп-г аюулгүй эсэхэд эргэлзсэн тохиолдолд Андройд системийн багийнхан биечлэн шалгадаг. Бид илрүүлэлтийн системээ илүү боловсронгуй болгохын тулд Google Play-н апп-г дахин хянаж, таныг аюултай байж болзошгүй апп-г төхөөрөмждөө суулгахаас өмнө илрүүлж, устгадаг.

Google аюултай болон хуурамч зарыг блоклодог

Хортой код агуулсан зар, таны харахаар оролдож буй нууц агуулга, хуурамч бүтээгдэхүүний сурталчилгаaны улмаас таны онлайн хэрэглээ сүйрэх, эсвэл манай зарын бодлогыг зөрчиж болзошгүй. Бид энэ асуудлыг маш нухацтай авч хэлэлцдэг. Манай хяналтын багийнхан, дэвшилтэт програм хангамж жил бүр ойролцоогоор нэг тэрбум орчим зарыг блоклодог. Та манай хэрэгслийг ашиглан зохисгүй зарыг мэдэгдэх, харах зарынхаа төрлийг удирдах боломжтой. Мөн бид Интернэтийг хүн бүрт аюулгүй болгох үүднээс өөрсдийн шинэ санаа, шилдэг туршлагыг тогтмол нийтэлдэг.

Google-н Аюулгүй байдлын хамгаалалт болон шалгах хуудас

Бүртгэлээ Аюулгүй байдлын хяналтаар хамгаална уу

Та Google бүртгэлээ хамгаалахын тулд нэн түрүүнд Аюулгүй байдлын хяналт явуулах боломжтой. Бид үүнийг таны бүртгэлээ сэргээх мэдээлэл үнэн зөв болохыг баталгаажуулах, та бүртгэлтэйгээ холбосон вэб хуудас, апп, төхөөрөмжийг аюулгүй гэж үзэн, хэрэглэсээр байгаа эсэхийг баталгаажуулах зорилготойгоор хөгжүүлсэн юм. Аливаа сэжигтэй зүйл илэрсэн тохиолдолд та тохиргоо, нууц үгээ нэн даруй солих боломжтой. Аюулгүй байдлын хяналтыг та хүссэн үедээ хэдхэн хормын дотор явуулах боломжтой.

Аюулгүй байдлын хяналт явуулах
Gmail сэжигтэй үйл ажиллагааны сэрэмжлүүлэг авдаг

Сэжигтэй үйл ажиллагааны талаар сэрэмжлүүлэг авах

Таны бүртгэлийг гэмт этгээдээс хамгаалахын тулд бид сэжигтэй үйл ажиллагааг хянаж, аюултай зүйл илэрвэл танд мэдэгддэг. Жишээ нь тодорхой бус төхөөрөмжөөр таны бүртгэлд нэвтрэх оролдлого хийх, эсвэл таны бүртгэл сэргээх мэдээлэл солигдсон тохиолдолд бид нэн даруй тантай холбоо барьж, эдгээр үйлдлийг та өөрөө хийсэн эсэхийг баталгаажуулдаг. Мэдэгдлийг танд имэйлээр илгээсэн. Мөн та утсандаа зурвас авахын тулд бүртгүүлэх боломжтой.

Төхөөрөмж болон хөтөч ижил баталгаажуулалтын кодоор нэвтэрдэг

Халдлагаас сэргийлэхийн тулд нэвтрэх аргаа бэхжүүлэх

Хүчтэй нууц үг нь таны бүртгэлийг халдлагаас сэргийлж, хамгаалдаг. Чанартай нууц үг үүсгэхэд үсэг, тоо, тэмдэг хольж, давтагдашгүй, онцгой болгох хэрэгтэй ба энэ нууц үгээ зөвхөн Google-д ашиглах шаардлагатай.

Бид таны бүртгэлийн аюулгүй байдлыг сайжруулахын тулд 2 шаттай бататгал-г санал болгодог. 2 шаттай бататгалыг ашигласнаар таны бүртгэлд зөвхөн нууц үгээр нэвтрэх боломжгүй. Ингэснээр таны утсанд илгээх зургаан оронтой код, эсвэл фишингээс илүү сайн хамгаалахын тулд компьютерийнхоо USB оролтод оруулдаг Аюулгүй байдлын түлхүүр-г оруулах шаардлагатай болно.

Хөтөч нь Chrome-д хамгаалагдсан нууц үгийг харуулдаг

Эдгээр нууц үгийн аюулгүй байдлын хэрэгслээр өөрийгөө хамгаалах

Chrome-н нууц үгийн менежерийг таны нууц үгийг бусад вэб хуудаст сануулахыг зөвшөөрснөөр та сайт бүрт хүчтэй, өвөрмөц нууц үг ашиглахад хялбар болно. Мөн таныг Google-н бус сайтад Google-н нууц үгээ оруулах үед сануулж, фишинг халдлагаас сэргийлэх Chrome-н Нууц үгийн дохиолол өргөтгөлийг нэмэх боломжтой.

Хөтчийн Google Газрын зураг нь алсаас түгжсэн алга болсон утасны байршлыг тогтооно

Утсаа алга болгосон үед бүртгэлээ хамгаалах

Та утсаа алга болгосон болон хулгайд алдсан тохиолдолд өгөгдлөө хэдхэн үйлдлээр хамгаалахын тулд Миний бүртгэл-д зочилно уу. Хэрэв та Андройд, эсвэл iOS төхөөрөмжтэй бол үүний байршлыг тогтоох, түгжих, нууц үг солих, нүүр хуудсанд зурвас бичих болон утасныхаа бүх өгөгдлийг устгах боломжтой.