ຂໍ້ມູນຂອງທ່ານ

ພວກເຮົາຕ້ອງການໃຫ້ທ່ານເຂົ້າໃຈວ່າຂໍ້ມູນຫຍັງແດ່ທີ່ພວກເຮົາເກັບກຳ ແລະ ນຳໃຊ້.

ເມື່ອທ່ານໃຊ້ການບໍລິການຂອງ Google, ທ່ານຝາກຝັງຂໍ້ມູນຂອງທ່ານໄວ້ນຳພວກເຮົາ. ມັນແມ່ນຄວາມຮັບຜິດຊອບຂອງພວກເຮົາໃນການສ້າງຄວາມຈະແຈ້ງກ່ຽວກັບວ່າພວກເຮົາເກັບກຳຫຍັງ ແລະ ພວກເຮົານຳໃຊ້ມັນແນວໃດ ເພື່ອເຮັດໃຫ້ການບໍລິການຂອງພວກເຮົາດີຂຶ້ນສຳລັບທ່ານ.

ນີ້ແມ່ນຂໍ້ມູນສາມປະເພດທີ່ພວກເຮົາເກັບກຳ:

ສິ່ງທີ່ທ່ານເຮັດ

ເມື່ອທ່ານໃຊ້ບໍລິການຂອງພວກເຮົາ ເຊັ່ນ: ຊອກຫາຢູ່ໃນ Google, ຂໍຄຳແນະນຳເສັ້ນທາງຢູ່ໃນ Google ແຜນທີ່ ຫຼື ເບິ່ງວິດີໂອຢູ່ໃນ YouTube, ພວກເຮົາຈະເກັບກຳຂໍ້ມູນເພື່ອເຮັດໃຫ້ການບໍລິການເຫຼົ່ານີ້ໃຊ້ໄດ້ສຳລັບທ່ານ. ສິ່ງນີ້ອາດຮວມມີ:

  • ສິ່ງທີ່ທ່ານຊອກຫາ
  • ເວັບໄຊທີ່ທ່ານເຂົ້າເບິ່ງ
  • ວິດີໂອທີ່ທ່ານເບິ່ງ
  • ໂຄສະນາທີ່ທ່ານຄລິກ ຫຼື ແຕະໃສ່
  • ສະຖານທີ່ຂອງທ່ານ
  • ຂໍ້ມູນອຸປະກອນ
  • ທີ່ຢູ່ IP ແລະຂໍ້ມູນຄຸກກີ້

ສິ່ງທີ່ທ່ານສ້າງຂຶ້ນ

ຖ້າທ່ານເຂົ້າສູ່ລະບົບດ້ວຍບັນຊີ Google ຂອງທ່ານ, ພວກເຮົາເກັບຮັກສາ ແລະ ປົກປ້ອງສິ່ງທີ່ທ່ານສ້າງຂຶ້ນໂດຍໃຊ້ການບໍລິການຂອງພວກເຮົາ. ສິ່ງນີ້ອາດຮວມມີ:

  • ອີເມວທີ່ທ່ານສົ່ງ ແລະ ຮັບຢູ່ໃນ Gmail
  • ລາຍຊື່ທີ່ທ່ານເພີ່ມ
  • ນັດໝາຍປະຕິທິນ
  • ຮູບພາບ ແລະ ວິດີໂອທີ່ທ່ານອັບໂຫຼດ
  • ເອກະສານ, ແຜ່ນຕາຕາລາງ ແລະ ສະໄລ້ຕ່າງໆໃນ Drive

ສິ່ງທີ່ເຮັດໃຫ້ທ່ານເປັນ “ທ່ານ”

ເມື່ອ​ທ່ານ​ຕັ້ງ​ບັນ​ຊີ Google, ພວກ​ເຮົາ​ຮັກ​ສາ​ຂໍ້​ມູນ​ບັນ​ຊີ​ພື້ນ​ຖານ​ທີ່​ທ່ານ​ໃຫ້​ພວກ​ເຮົາ​ໄວ້. ອັນ​ນີ້​ສາ​ມາດ​ລວມ​​ເຖິງ:

  • ຊື່
  • ທີ່ຢູ່ອີເມວ ແລະ ລະຫັດຜ່ານ
  • ວັນເດືອນປີເກີດ
  • ເພດ
  • ເບີໂທລະສັບ
  • ປະເທດ
Google ແຜນທີ່ຢູ່ໃນສະມາດໂຟນ

Google ແຜນທີ່ ພາທ່ານໄປສະຖານທີ່ຕ່າງໆໄດ້ໄວຂຶ້ນ

ໃນເວລາທີ່ທ່ານໃຊ້ແອັບ Google ແຜນທີ່, ໂທລະສັບຂອງທ່ານສົ່ງຂໍ້ມູນໂດຍບໍ່ເປີດເຜີຍຊື່ກ່ຽວກັບສະຖານທີ່ຂອງທ່ານກັບຄືນຫາ Google. ຂໍ້ມູນນີ້ຖືກຮວມເຂົ້າກັບຂໍ້ມູນຈາກຜູ້ຄົນຢູ່ໃກ້ໆກັບທ່ານເພື່ອຮັບຮູ້ຮູບແບບການຈະລາຈອນ. ຕົວຢ່າງ: ແຜນທີ່ສາມາດຄົ້ນພົບເວລາໃດທີ່ພາຫະນະກຳລັງເຄື່ອນຕົວໄດ້ຊ້າໃນຖະໜົນດຽວກັນ ແລະ ແຈ້ງບອກໃຫ້ທ່ານຮູ້ວ່າມີການຈະລາຈອນໜາແໜ້ນ. ສະນັ້ນ ໃນຄັ້ງຕໍ່ໄປທີ່ແຜນທີ່ເຕືອນທ່ານກ່ຽວກັບອຸປະຕິເຫດ ແລະ ແນະນຳເສັ້ນທາງທີ່ໄວກວ່າແກ່ທ່ານ, ທ່ານກໍຈະມີຂໍ້ມູນຈາກເພື່ອນຮ່ວມຂັບຂີ່ຂອງທ່ານ.

ແຖບ Google Search ທີ່ມີການເຮັດສຳເລັດອັດຕະໂນມັດ

Google ຕື່ມຂໍ້ມູນການຊອກຫາຂອງທ່ານໂດຍອັດຕະໂນມັດແນວໃດ

ທ່ານຮູ້ບໍເມື່ອທ່ານຄົ້ນຫາບາງຢ່າງ ແລະ ທ່ານພິມຜິດ — ແລະ ໃນລະດັບໃດໜຶ່ງ Google ຮູ້ຈັກສິ່ງທີ່ທ່ານໝາຍເຖິງ? ຕົວແບບການແກ້ໄຂການສະກົດຄຳໃຫ້ຖືກຕ້ອງຂອງພວກເຮົາໃຊ້ຂໍ້ມູນຈາກຜູ້ຄົນທີ່ເຄີຍພິມຜິດແບບດຽວກັນໃນເມື່ອກ່ອນເພື່ອແກ້ໄຂມັນໃຫ້ຖືກຕ້ອງສຳລັບທ່ານ. ນັ້ນແມ່ນແບບວິທີທີ່ພວກເຮົາຮູ້ວ່າເມື່ອທ່ານພິມ “Barsalona,” ເປັນໄປໄດ້ທີ່ສຸດວ່າທ່ານໝາຍເຖິງ “Barcelona.”

ປະຫວັດການຊອກຫາຂອງທ່ານຍັງຊ່ວຍໃຫ້ Google ເຮັດສຳເລັດການຊອກຫາຂອງທ່ານໂດຍອັດຕະໂນມັດ. ຕົວຢ່າງ: ຖ້າທ່ານເຄີຍຊອກຫາ “ຖ້ຽວບິນບາເຊໂລນາ” ມາກ່ອນແລ້ວ, ພວກເຮົາອາດຈະແນະນຳສິ່ງນີ້ຢູ່ໃນກ່ອງຊອກຫາກ່ອນທີ່ທ່ານຈະພິມມັນອີກ. ຫຼື ຖ້າທ່ານເປັນແຟນສະໂມສອນບານເຕະ ແລະ ມັກຊອກຫາ “ຄະແນນບາເຊໂລນາ,” ພວກເຮົາອາດຈະແນະນຳອັນນັ້ນໃຫ້ເລີຍ.

ແຖບ Chrome ພ້ອມແບບຟອມທີ່ປະກອບສຳເລັດໂດຍການຕື່ມຂໍ້ມູນອັດຕະໂນມັດ

Chrome ປະກອບແບບຟອມຕ່າງໆສຳລັບທ່ານແນວໃດ

ທຸກຄັ້ງທີ່ທ່ານເຮັດການຊື້ ຫຼື ລົງທະບຽນສຳລັບບັນຊີອອນລາຍ, ທ່ານໃຊ້ເວລາຕື່ມແບບຟອມດ້ວຍຂໍ້ມູນສ່ວນຕົວຂອງທ່ານ. ໃນເວລາທີ່ທ່ານໃຊ້ Chrome, ພວກເຮົາສາມາດບັນທຶກສິ່ງຕ່າງໆ ເຊັ່ນວ່າ ຊື່, ທີ່ຢູ່, ເບີໂທລະສັບ, ທີ່ຢູ່ອີເມວ ແລະ ຂໍ້ມູນການຈ່າຍເງິນຂອງທ່ານ ເພື່ອໃຫ້ພວກເຮົາສາມາດຕື່ມແບບຟອມເຫຼົ່ານີ້ໃຫ້ທ່ານໂດຍອັດຕະໂນມັດ. ທ່ານສາມາດແກ້ໄຂຊ່ອງຂໍ້ມູນສະເພາະ ຫຼື ປິດໃຊ້ການຕັ້ງຄ່ານີ້ທັງໝົດໄດ້ຕະຫຼອດເວລາ.

ແຖບ Google Search ທີ່ມີຮູບໂປຣໄຟລ໌ ແລະ ປຸ່ມຜົນການຊອກຫາສ່ວນຕົວ

Google Search ຊ່ວຍທ່ານຊອກຫາຂໍ້ມູນຂອງທ່ານເອງແນວໃດ

Google Search ສາມາດດຶງຂໍ້ມູນທີ່ເປັນປະໂຫຍດຈາກ Gmail, Google Photos, ປະຕິທິນ ແລະ ອື່ນໆອີກ, ແລ້ວ ສະແດງມັນໃນຜົນການຊອກຫາສະເພາະຕົວຂອງທ່ານ ເພື່ອໃຫ້ທ່ານບໍ່ຈຳເປັນຕ້ອງເຮັດການຊອກຫາດ້ວຍຕົວທ່ານເອງ. ພຽງແຕ່ຊອກຫາສິ່ງຕ່າງໆ ເຊັ່ນວ່າ “ການນັດພົບກັບໝໍປົວແຂ້ວຂອງຂ້ອຍ”, “ສະແດງຮູບຂອງຂ້ອຍຢູ່ຫາດຊາຍ” ຫຼື “ການຈ່ອງໂຮງແຮມຂອງຂ້ອຍຢູ່ໃສ”. ຕາບໃດທີ່ທ່ານເຂົ້າສູ່ລະບົບ, ພວກເຮົາຈະດຶງຂໍ້ມູນເຫຼົ່ານີ້ຈາກການບໍລິການອື່ນຂອງ Google ແລະ ເອົາມາໃຫ້ທ່ານໃນຂັ້ນຕອນດຽວເທົ່ານັ້ນ.

ກ່ອງຂໍ້ຄວາມແບບເປັນຟອງລະຫວ່າງຜູ້ໃຊ້ກັບຜູ້ຊ່ວຍ Google

ຜູ້ຊ່ວຍ Google ຂອງທ່ານສາມາດຊ່ວຍທ່ານເຮັດສຳເລັດສິ່ງຕ່າງໆໄດ້ແນວໃດ

ບໍ່ວ່າທ່ານຈະຢູ່ເຮືອນ ຫຼື ກຳລັງເດີນທາງ, ຜູ້ຊ່ວຍຂອງທ່ານກຽມພ້ອມຊ່ວຍທ່ານສະເໝີ. ເມື່ອທ່ານຖາມຜູ້ຊ່ວຍຂອງທ່ານ ຫຼື ບອກມັນເຮັດຫຍັງ, ມັນຈະໃຊ້ຂໍ້ມູນຈາກການບໍລິການອື່ນຂອງ Google ເພື່ອເອົາສິ່ງທີ່ທ່ານຕ້ອງການໃຫ້ແກ່ທ່ານ. ຕົວຢ່າງ: ຖ້າທ່ານຖາມວ່າ “ມີຮ້ານກາເຟຢູ່ໃກ້ຄຽງບໍ່?” ຫຼື “ຂ້ອຍຈຳເປັນຕ້ອງໃຊ້ຄັນຮົ່ມບໍ່ໃນມື້ອື່ນ?” ຜູ້ຊ່ວຍຂອງທ່ານຈະໃຊ້ຂໍ້ມູນຈາກແຜນທີ່ ແລະ ການຊອກຫາ ເຊັ່ນດຽວກັບສະຖານທີ່, ຄວາມສົນໃຈ ແລະ ຄວາມມັກຂອງທ່ານ ເພື່ອໃຫ້ຄຳຕອບທີ່ກ່ຽວຂ້ອງທີ່ສຸດໃຫ້ກັບທ່ານ. ທ່ານສາມາດເຂົ້າເບິ່ງເຄື່ອງມື ການເຄື່ອນໄຫວຂອງຂ້ອຍ ເພື່ອເບິ່ງ ຫຼື ລຶບຂໍ້ມູນທີ່ຖືກເກັບເອົາຈາກການຕິດຕໍ່ສື່ສານກັບຜູ້ຊ່ວຍຂອງທ່ານ.

ໂປຣແກຣມທ່ອງເວັບທີ່ສະແດງບັນຊີຂອງຂ້ອຍ

ຄວບຄຸມການຕັ້ງຄ່າຄວາມເປັນສ່ວນຕົວຂອງທ່ານຢູ່ບັນຊີຂອງຂ້ອຍ

ບໍ່ວ່າທ່ານຈະມີບັນຊີ Google ຫຼືບໍ່ກໍຕາມ, ທ່ານຕັດສິນວ່າຂໍ້ມູນປະເພດໃດແດ່ສາມາດເຮັດໃຫ້ການບໍລິການຂອງ Google ດີຂຶ້ນສຳລັບທ່ານ. ບັນຊີຂອງຂ້ອຍ ໃຫ້ທ່ານເຂົ້າເຖິງເຄື່ອງມືາຕ່າງໆໄດ້ຢ່າງວ່ອງໄວທີ່ຊ່ວຍທ່ານຈັດການຂໍ້ມູນສ່ວນຕົວຂອງທ່ານ ແລະ ປົກປ້ອງຄວາມເປັນສ່ວນຕົວຂອງທ່ານ.

ການຄົ້ນຫາຜ່ານມາໃນໜ້າຈໍ Chrome

ເບິ່ງວ່າມີຂໍ້ມູນໃດແດ່ຢູ່ໃນບັນຊີຂອງທ່ານຢູ່ທີ່ ການເຄື່ອນໄຫວຂອງຂ້ອຍ

ການເຄື່ອນໄຫວຂອງຂ້ອຍ ແມ່ນບ່ອນສູນກາງທີ່ທ່ານສາມາດເຫັນທຸກຢ່າງທີ່ທ່ານເຄີຍຊອກຫາ, ເບິ່ງ ແລະ ຮັບຊົມ ໂດຍໃຊ້ການບໍລິການຂອງພວກເຮົາ. ເພື່ອເຮັດໃຫ້ມັນງ່າຍຂຶ້ນໃນການຈື່ການເຄື່ອນໄຫວອອນລາຍຜ່ານມາຂອງທ່ານ, ພວກເຮົາໃຫ້ເຄື່ອງມືແກ່ທ່ານເພື່ອຄົ້ນຫາຕາມຫົວຂໍ້, ວັນທີ ແລະ ຜະລິດຕະພັນ. ທ່ານສາມາດລຶບບາງການເຄື່ອນໄຫວສະເພາະ ຫຼື ຫົວຂໍ້ທັງໝົດທີ່ທ່ານບໍ່ຕ້ອງການເຊື່ອມໂຍງກັບບັນຊີຂອງທ່ານອອກຢ່າງຖາວອນ.

ໄອຄອນ Chrome Incognito

ທ່ອງເວັບໃນແບບເປັນສ່ວນຕົວດ້ວຍໂໝດທີ່ບໍ່ເຜີຍຕົວຕົນ

ປະຫວັດເວັບຂອງທ່ານສາມາດຊ່ວຍເຮັດໃຫ້ຜົນການຊອກຫາຂອງທ່ານເປັນປະໂຫຍດຍິ່ງຂຶ້ນ, ແຕ່ມີບາງຄັ້ງທ່ານອາດຈະຕ້ອງການທ່ອງເວັບແບບເປັນສ່ວນຕົວ. ຖ້າທ່ານໃຊ້ຄອມພິວເຕີຮ່ວມກັບຄົນຮັກຂອງທ່ານ, ຕົວຢ່າງ: ທ່ານອາດຈະບໍ່ຕ້ອງການໃຫ້ປະຫວັດການທ່ອງເວັບຂອງທ່ານທຳລາຍຂອງຂວັນວັນເກີດທີ່ເຮັດໃຫ້ປະຫຼາດໃຈທີ່ທ່ານກຳລັງຊອກຫາ. ສຳລັບຊ່ວງເວລາແບບນີ້, ໃຫ້ເປີດໜ້າຈໍແບບບໍ່ເປີດເຜີຍຕົວຕົນໃນຄອມພິວເຕີ ຫຼື ອຸປະກອນມືຖືຂອງທ່ານ ເພື່ອປ້ອງກັນບໍ່ໃຫ້ Google Chrome ບັນທຶກປະຫວັດການທ່ອງເວັບຂອງທ່ານ.