Ձեր անվտանգությունը

Ձեր անվտանգությունը մեզ համար առաջին տեղում է:

Եթե ձեր տվյալներն ապահով չեն, ապա դրանք այլևս ձերը չեն: Ահա թե ինչու ենք մենք հետևում, որ Google-ի ծառայությունները, ինչպես օրինակ՝ Որոնումը, Քարտեզները և YouTube-ը, պաշտպանված լինեն աշխարհի ամենաժամանակակից անվտանգության ենթակառուցվածքներով:

Գաղտնագրման միջոցով ձեր տվյալները գաղտնի են պահվում փոխադրման ընթացքում

Գաղտնագրումը անվտանգության ու գաղտնիության բարձր մակարդակ է ապահովում մեր ծառայություններում: Երբ դուք նամակ եք ուղարկում, տեսանյութ հրապարակում, ինչ-որ կայք այցելում կամ պահում ձեր լուսանկարները, ձեր ստեղծած տվյալները փոխանցվում են ձեր մյուս սարքեր, Google-ի ծառայություններ և մեր տվյալների կենտրոններ: Այս տվյալները պաշտպանվում են անվտանգության բազմաթիվ շերտերով, այդ թվում՝ գաղտնագրման առաջատար տեխնոլոգիաներով, ինչպես օրինակ՝ HTTPS-ը և TLS-ը։

Մեր ամպային ենթակառուցվածքը պաշտպանում է ձեր տվյալները 24/7 ռեժիմով

Սկսած հատուկ մշակված տվյալների կենտրոններից մինչև անդրօվկիանոսյան մալուխները, որոնք փոխադրում են տվյալները մայրցամաքների միջև, Google-ը աշխատեցնում է աշխարհի ամենաանվտանգ և հուսալի ամպային ենթակառուցվածքները: Դրանք անընդմեջ վերահսկվում են՝ ձեր տվյալները պաշտպանելու և անհրաժեշտության դեպքում ձեզ հասանելի դարձնելու համար: Ի դեպ, մենք բաշխում ենք տվյալները բազմաթիվ տվյալների կենտրոնների միջև, որպեսզի արտակարգ իրավիճակներում դրանք հեշտությամբ ինքնուրույն անցնեն այլ կայուն և ապահով վայրեր:

Վտանգի հայտնաբերումը օգնում է պաշտպանել մեր ծառայությունները

Մենք շարունակաբար վերահսկում ենք մեր ծառայությունները և դրանց հիմքում ընկած ենթակառուցվածքները, որպեսզի դրանք պաշտպանենք վտանգներից, այդ թվում՝ լցոնից, վնասագրերից, վիրուսներից և վնասակար ծրագրային կոդերի այլ ձևերից:

Մենք կառավարություններին ձեր տվյալների անմիջական օգտագործման թույլտվություն չենք տրամադրում

Մենք երբեք ձեր տվյալների կամ դրանք պահող մեր սերվերների օգտագործման գաղտնի թույլտվություն չենք տրամադրում: Սա նշանակում է, որ ոչ մի պետական մարմին՝ ԱՄՆ-ի թե մեկ այլ, մեր օգտվողների տեղեկությունների անմիջական օգտագործման թույլտվություն չունի: Լինում են դեպքեր, երբ մենք իրավապահ մարմիններից ստանում ենք օգտվողի տվյալների վերաբերյալ հարցումներ: Մեր իրավաբանների թիմն ուսումնասիրում է այս հարցումները և մերժում, եթե հարցումը չափազանց ընդհանուր է կամ ճիշտ գործընթացով չէ ներկայացված: Ծառայությունների և տվյալների հասանելիության մասին հաշվետվությունում մենք արել ենք առավելագույնը, որպեսզի անկեղծ լինենք տվյալների այս տեսակ հարցումների մասին:

Էյֆելյան աշտարակի մասնակիորեն գաղտնագրված լուսանկար

Gmail-ում գաղտնագրման շնորհիվ նամակները մնում են գաղտնի

Իր ստեղծման պահից ի վեր Gmail-ն աջակցել է կապի գաղտնագրումը, որն օգնում է պաշտպանել ձեր փոստը չարագործներից։ Gmail-ը նաև զգուշացնում է անվտանգության հնարավոր ռիսկերի մասին, ինչպես օրինակ՝ երբ նամակ եք ստանում, որը չի ուղարկվել գաղտնագրված կապով:

Gmail-ը զգուշացնում է վտանգավոր նամակի մասին

Gmail-ի լցոնի պաշտպանությունը զտում է կասկածելի նամակները

Վնասագրերի և ֆիշինգի բազմաթիվ հարձակումներ սկսվում են էլեկտրոնային նամակից: Gmail-ի անվտանգությունը պաշտպանում է ձեզ լցոնից, ֆիշինգից և վնասարար նյութերից ավելի լավ, քան էլփոստի մյուս ծառայությունները: Gmail-ը վերլուծում է միլիարդավոր հաղորդագրություններից վերցված կաղապարները՝ օգտվողի կողմից որպես լցոն նշված նամակների առանձնահատկությունները որոշելու համար, ապա դրանք օգտագործում է կասկածելի կամ վտանգավոր նամակներն արգելափակելու համար՝ նախքան դրանք կհասնեն ձեզ: Դուք կարող եք օգնել՝ ձեր ստացած կասկածելի նամակների համար նշելով «Հաղորդել լցոնի մասին»:

Մեքենայական ուսուցման և արհեստական բանականության շնորհիվ Gmail-ի լցոնի զտիչը էլ ավելի ճշգրիտ է: Ներկայումս այն չի թողնում, որ լցոնի 99.9%-ը մտնի ձեր մուտքի արկղ:

Chrome դիտարկիչը անվտանգության թարմացման ընթացքով

Chrome-ում ավտոմատ թարմացվում են անվտանգության համակարգերը

Անվտանգության տեխնոլոգիաներն անընդհատ փոխվում են, ուստի պաշտպանված լինելու համար անհրաժեշտ է քայլել ժամանակին համընթաց: Այդ իսկ պատճառով Chrome-ը պարբերաբար ստուգում է, որ ձեր օգտագործած դիտարկիչի տարբերակը թարմացվի անվտանգության վերջին շտկումներով, վնասագրերից և մոլորեցնող կայքերից պաշտպանությունով և այլն: Chrome-ը թարմացվում է ավտոմատ կերպով, այնպես որ ձեզ պաշտպանում են Chrome-ի անվտանգության վերջին տեխնոլոգիաները։

Վնասակար հավելվածը սողոսկում է սարքի մեջ

Google Play-ում գործում է պաշտպանություն վնասակար հավելվածներից

Ձեր սարքի անվտանգության ամենամեծ սպառնալիքներից կարող են լինել ձեր տեղադրած հավելվածները: Մեր հայտնաբերման համակարգը գտնում է հնարավոր վնասակար հավելվածները, նախքան Play Խանութում դրանց հայտնվելը: Եթե մենք վստահ չենք, որ հավելվածն անվտանգ է, ապա Android-ի անվտանգության թիմի անդմաներն այն առանձին դիտարկում են: Թարմացնելով մեր հայտնաբերման համակարգը՝ մենք վերագնահատում ենք արդեն իսկ Google Խանութում հայտված հավելվածները և հեռացնում հնարավոր վտանգ ներկայացնողները, որպեսզի դրանք չհայտնվեն ձեր սարքում:

Google-ը արգելափակում է վնասարար և ապակողմնորոշող գովազդները

Համացանցում ձեր աշխատանքը կարող է խաթարվել գովազդներից, որոնք վնասագրեր են պարունակում, ծածկում են բովանդակությունը, որը ուզում եք տեսնել, խթանում են կեղծ ապրանքներ կամ այլ կերպ խախտում մեր գովազդային քաղաքականությունը: Մենք շատ լուրջ ենք մոտենում այս խնդրին: Ամեն տարի մեր մասնագետները և ճշգրիտ ծրագրերը համատեղ արգելափակում են մոտ մեկ միլիարդ վատորակ գովազդ: Մենք նաև տրամադրում ենք ձեզ գործիքներ, որոնցով կարող եք հաղորդել վիրավորական գովազդի մասին և կառավարել ձեզ ցուցադրվող գովազդի տեսակները: Այս ամենի հետ մեկտեղ մենք ակտիվորեն կիսում ենք մեր գաղափարները և փորձը` համացանցը բոլորի համար ապահով դարձնելու նպատակով:

Google-ի անվտանգության վահանն ու ստուգացանկը

Պաշտպանեք ձեր հաշիվը Անվտանգության ստուգման միջոցով

Առաջինը, որ կարող եք անել Google հաշվի անվտանգության համար՝ անցնել անվտանգության ստուգում: Մենք ստեղծել ենք այն, որպեսզի կարողանաք ստուգել ձեր հաշվի վերականգնման տեղեկությունները և ձեր հաշվի հետ կապված կայքերի և սարքերի իսկությունը: Եթե որևէ բան կասկածելի է թվում, կարող եք անմիջապես փոխել ձեր կարգավորումները կամ գաղտնաբառը: Անվտանգության ստուգումը պահանջում է ընդամենը մի քանի րոպե, և այն կարող եք կատարել այնքան հաճախ, որքան կցանկանաք:

Անցնել անվտանգության ստուգում
Gmail-ին ուղարկվում է զգուշացում կասկածելի գործողության մասին

Ստացեք ծանուցումներ կասկածելի գործողությունների վերաբերյալ

Չարագործներից պաշտպանելու համար մենք ձեզ կծանուցենք ձեր հաշվում նկատված ցանկացած անսովոր և կասկածելի գործողության մասին: Օրինակ, եթե անհայտ սարքից փորձեն մուտք գործել ձեր հաշիվ կամ եթե ձեր հաշվի վերականգնման տվյալները փոխվեն, մենք անմիջապես կտեղեկացնենք ձեզ` հաստատում ստանալու համար, որ այդ գործողությունները դուք եք կատարել: Ծանուցումներն ուղարկվում են էլփոստով, բայց դուք կարող եք նաև գրանցվել և ծանուցումները ստանալ տեքստային հաղորդագրության միջոցով:

Միևնույն հաստատման կոդով մուտք սարք և դիտարկիչ

Ուժեղացրեք ձեր մուտքի անվտանգությունը՝ հարձակումները կանխելու համար

Ուժեղ գաղտնաբառը զսպում է հաքերներին և պաշտպանում ձեր հաշիվը: Լավ գաղտնաբառը պետք է լինի եզակի, պարունակի տառեր, թվեր և նշաններ և օգտագործվի միայն Google-ի ծառայություններում։

Ձեր հաշիվն ավելի պաշտպանված դարձնելու համար մենք նաև առաջարկում ենք երկքայլ հաստատումը: Երկքայլ հաստատման դեպքում միայն գաղտնաբառը բավարար չէ հաշիվ մուտք գործելու համար: Կարող է պահանջվել վեցանիշ կոդ, որն ուղարկվում է ձեր հեռախոսին կամ, ավելի բարձր մակարդակի պաշտպանության համար` անվտանգության բանալի, որը տեղադրում եք համակարգչի USB միացքի մեջ:

Դիտարկիչում ցուցադրվում են Chrome-ում պաշտպանված գաղտնաբառերը

Պաշտպանեք ձեզ գաղտնաբառերի անվտանգության այս գործիքներով

Թույլատրելով Chrome-ի ներկառուցված գաղտնաբառերի կառավարիչին հիշել տարբեր կայքերի ձեր գաղտնաբառերը՝ կարող եք հեշտությամբ յուրաքանչյուր կայքի համար օգտագործել ուժեղ և եզակի գաղտնաբառ: Ինչպես նաև կարող եք ավելացնել Գաղտնաբառի պաշտպանությունը: Այն Chrome-ի ընդլայնում է, որն օգնում է խուսափել ֆիշինգային հարձակումներից՝ զգուշացնելով ձեզ, երբ ձեր Google-ի գաղտնաբառը մուտքագրում եք երրորդ կողմի կայքերում:

Դիտարկիչում Google Քարտեզները տեղորոշում է կորած հեռախոսը, որը հեռակա կերպով կողպվել էր

Պաշտպանեք ձեր հաշիվը հեռախոսը կորցնելու դեպքում

Եթե ձեր հեռախոսը երբևէ կորի կամ այն գողանան, պարզապես այցելեք Իմ հաշիվը և մի քանի արագ քայլի միջոցով պաշտպանեք ձեր տվյալները: Անկախ նրանից, թե ձեր սարքն Android է, թե iOS՝ դուք կարող եք գտնել և կողպել այն, փոխել գաղտնաբառը, ավելացնել հատուկ հաղորդագրություն հիմնական էկրանին կամ նույնիսկ ջնջել ձեր հեռախոսի բոլոր տվյալները: