Segurtasuna

Zure segurtasuna da gure lehentasuna

Datuak seguru ez badaude, ez dira pribatuak. Horregatik, Bilaketa, Maps, YouTube eta bestelako Google zerbitzuak erabiltzen dituzunean, munduko segurtasun-azpiegitura aurreratuenetako batek babesten zaituela ziurtatzen dugu.

Datuak enkriptatuta, pribatu mantentzen dira alde batetik bestera transferitu bitartean

Enkriptatzeari esker, seguruagoak eta pribatuagoak dira gure zerbitzuak. Mezu elektronikoak bidali, bideoak partekatu, webguneak ikusi edo argazkiak gordetzen dituzunean, besteak beste, sortzen dituzun datuak zure gailuaren, Google zerbitzuen eta gure datu-zentroen artean joan-etorrian ibiltzen dira. Era askotako segurtasun-geruzak erabiltzen ditugu datuok babesteko; adibidez, HTTPS, TLS (Transport Layer Security) eta antzeko puntako enkriptatze-teknologia.

Gure hodeiko azpiegiturak etengabe babesten ditu datuak

Besteak beste, bai neurrira diseinatutako datu-zentroak, bai datuak kontinenteen artean transferitzen dituzten itsas azpiko zuntzezko kable propioak erabilita, Google-ren hodeiko azpiegitura munduko seguruenetakoa eta fidagarrienetakoa da. Gainera, etengabe gainbegiratzen denez, beti daude datuak babestuta eta erabilgarri behar dituzunean. Izan ere, datuak hainbat datu-zentrotan banatzen ditugu; horrela, sute edo hondamendiren bat gertatuz gero, automatikoki eta etenik gabe eramango dira kokapen egonkor eta seguru batera.

Mehatxuak hautemanda, gure zerbitzuak hobetzen ditugu

Etengabe gainbegiratzen ditugu gure zerbitzuak eta haien azpiegiturak mehatxuetatik babesteko, esaterako, spam, malware, birus eta asmo txarreko bestelako kodetik.

Gobernuei ez diegu ematen zure datuetarako sarbide zuzenik

Ez dugu sekula ematen "ezkutuko" sarbiderik zure datuak atzitzeko, ezta haiek dituzten zerbitzariak atzitzeko ere. Horrek esan nahi du inongo gobernuk (AEBetakoa nahiz beste herrialdeetakoa) ez duela erabiltzaileen datuetarako sarbiderik. Noizean behin, poliziak erabiltzaileren baten datuak eskatzen dizkigu. Gure lege-taldeak eskaera guztiak berrikusten ditu, eta atzera egiten du eskaeraren bat zabalegia bada edo prozesu egokiari jarraitzen ez badio. Datu-eskaera horiei buruz ahalik eta informazio gehien ematen saiatu gara gure Gardentasun-txostenean.

Eiffel dorrearen irudiaren gainetik zabaltzen da enkriptatzea

Gmail enkriptatzeari esker, posta pribatu mantentzen da

Hasiera-hasieratik, Gmail-ek konexio enkriptatuak egiteko aukera eman du; horrela, zailagoa da bidaltzen duzuna pertsona gaiztoek irakurtzea. Gmail-ek, gainera, ohartarazi egiten dizu segurtasun-arriskuak daudenean; adibidez, konexio enkriptatu baten bidez bidali ez den mezu elektroniko bat jasotzen duzunean.

Gmail-eko gutun-azalak segurtasun-aztertzailearen abisuaren ikurra erakusten du

Gmail-eko spamaren aurkako babesak mezu elektroniko susmagarriak iragazten ditu

Malware- eta phishing-eraso asko mezu elektroniko batekin hasten dira. Gmail-eko segurtasunak posta elektronikoko beste edozein zerbitzurenak baino hobeto babesten zaitu spametik, phishing-etik eta malwaretik. Gmail-ek mila milioika mezutatik ateratako ereduak analizatzen ditu erabiltzaileek spam gisa markatutako mezu elektronikoen ezaugarriak identifikatzeko. Ondoren, eredu horiek erabiltzen ditu mezu susmagarriak edo arriskutsuak blokeatzeko, zuk jaso aurretik. Horretan laguntzeko, sakatu "Salatu spama" mezu elektroniko susmagarriak jasotzen badituzu.

Makina bidezko ikaskuntzari eta adimen artifizialari esker, Gmail-en spam-iragazkia gero eta zehatzagoa da. Egun, spamaren % 99,9 mantentzen du sarrera-ontzitik kanpo.

Chrome arakatzaileak segurtasun-eguneratzearen garapena erakusten du

Chrome-k automatikoki eguneratzen du arakatzailearen segurtasuna

Segurtasun-teknologiak etengabe aldatzen ari direnez, seguru egoteko, eguneratuta egon behar da. Horregatik, Chrome-k maiz egiaztatzen du darabilzun bertsioa azken segurtasun-konponketekin eguneratuta dagoela, malwarearen eta gune engainagarrien aurkako babesekin, eta beste. Automatikoki eguneratzen da Chrome, bere segurtasun-teknologia berrienaren babesa izan dezazun.

Aplikazio kaltegarri bat isil-gordeka sartzen da gailuan

Google Play-k kaltegarriak izan daitezkeen aplikazioetatik babesten du telefonoa

Instalatzen dituzun aplikazioak izan ohi dira gailuen segurtasun-arrisku handienetakoak. Gure hautemate-sistemak arriskutsuak izan daitezkeen aplikazioak markatzen ditu Play Store dendara iritsi aurretik. Ez badakigu ziur aplikazioren bat segurua den ala ez, Android segurtasun-taldeak eskuz berrikusten du. Hautemate-sistema hobetu ahala, Google Play-n lehendik dauden aplikazioak berriro ebaluatzen ditugu eta kaltegarriak izan daitezkeenak kentzen ditugu erabiltzaileen gailuetara irits ez daitezen.

Google-k asmo txarrekoak edo engainagarriak diren iragarkiak blokeatzen ditu

Interneten ibiltzea kaltegarria edo gogaikarria izan daiteke iragarkiek malwarea badute, ikusi nahi duzun edukia estaltzen badute, produktu faltsuak promozionatzen badituzte edo nolanahi ere gure publizitate-gidalerroak urratzen badituzte. Oso aintzat hartzen dugu hori. Urtero, gure berrikusleei eta software sofistikatuari esker, ia mila milioi iragarki gaizto blokeatzen ditugu. Halaber, tresnak ematen dizkizugu iraingarriak diren iragarkiak salatzeko eta zer motatako iragarkiak ikusten dituzun kontrolatzeko. Gainera, etengabe argitaratzen ditugu gure estatistikak eta jardunbide egokiak, denontzat izan dadin seguruagoa Internet.

Google segurtasun-ezkutua eta egiaztapen-zerrenda

Babestu kontua Segurtasun-egiaztapena eginda

Google kontua babesteko, lehenik eta behin egin Segurtasun-egiaztapena. Konturako sarbidea berreskuratzeko informazioa eguneratuta duzula eta zure kontura konektatutako webguneak, aplikazioak eta gailuak oraindik ere badarabilzkizula eta fidagarriak direla egiaztatzeko sortu dugu. Zerbait susmagarrira hautemanez gero, berehala alda ditzakezu ezarpenak edo pasahitza. Minutu batzuk bakarrik beharko dituzu Segurtasun-egiaztapena egiteko, eta nahi beste aldiz egin dezakezu.

Egin Segurtasun-egiaztapena
Gmail-ek jarduera susmagarrien abisua jasotzen du

Jaso jarduera susmagarriei buruzko abisuak

Kontua pertsona gaiztoengandik babesteko, erne egoten gara ezohiko jarduerak hautemateko, eta ohiz kanpokoa dirudien zerbait ikusi bezain laster jakinarazten dizugu. Adibidez, gailu ezezagunen batek zure kontuan saioa hasten badu, edo kontua berreskuratzeko informazioa aldatu egiten bada, berehala jartzen gara zurekin harremanetan, zu izan zarela berresteko. Posta elektroniko bidez bidaltzen ditugu jakinarazpenak, baina telefonoan testu-mezuak jasotzeko ere erregistra zaitezke.

Gailuan eta arakatzailean saioa hastea egiaztapen-kode berarekin

Sendotu saio-hasiera erasoak saihesteko

Pasahitz sendoek hackerrak geldiarazten dituzte, eta kontua babestuta mantentzen dute. Pasahitz egoki bat sortzeko, ziurtatu esklusiboa dela; hizkiak, zenbakiak eta ikurrak nahasten dituela; eta Google-n bakarrik darabilzula.

Kontua are gehiago babesteko, bi urratseko egiaztapena eskaintzen dizugu. Harekin, pasahitza baino zerbait gehiago beharko da kontuan saioa hasteko. Telefonora bidalitako sei digituko kodea izan daiteke edo, phishing-aren aurka are gehiago babesteko, ordenagailuko USB atakan sartzen den segurtasun-giltza.

Arakatzaileak Chrome-n babestutako pasahitzak erakusten ditu

Babestu zeure burua pasahitzaren segurtasun-tresna hauekin

Chrome-n integratutako pasahitz-kudeatzaileari webguneetako pasahitzak gogoratzeko baimena ematen badiozu, errazagoa izango zaizu pasahitz sendo eta esklusiboak erabiltzea. Pasahitz-babesaren abisua ere gehi dezakezu. Phishing-erasoak saihesten laguntzen dizu Chrome luzapen horrek, Google-rena ez den gune batean Google pasahitz bat idazten duzunean abisu bat bistaratuta.

Arakatzaileko Google Maps-ek urrunetik blokeatutako telefono galdua aurkitzen du

Izan kontua babestuta telefonoa galtzen baduzu ere

Inoiz telefonoa galtzen baduzu edo osten badizute, zoaz Nire kontua atalera datuak urrats gutxi batzuetan babesteko. Android edo iOS gailua baduzu ere, hura aurkitu eta blokeatu ahal izango duzu, baita pasahitza aldatu, hasierako pantailan mezu pertsonalizatu bat gehitu edo telefonoko datu guztiak ezabatu ere.