Güvənliyiniz

Bütün işlərimizin başında güvənliyiniz gəlir.

Datanız güvənli deyilsə, deməli, məxfi də deyil. Buna görə də Axtarış, Xəritə və YouTube kimi Google xidmətləri dünyanın ən qabaqcıl güvənlik infrastrukturları tərəfindən qorunur.

Köçürülən zaman datanız şifrələmə sayəsində məxfi qalır

Şifrələmə xidmətlərimizə yüksək səviyyədə güvənlik və məxfilik gətirir. Məktub göndərmək, video paylaşmaq, sayta girmək və ya şəkillərinizi saxlamaq kimi işlər gördüyünüz zaman yaratdığınız data cihazdan Google xidmətlərinə və data mərkəzimizə gedir. Bu datanı HTTPS və Transport Layer kimi aparıcı şifrələmə texnologiyaları daxil olmaqla, çoxqatlı güvənlik sistemi qoruyur.

Bulud infrastrukturumuz datanızı 24 saat 7 gün qoruyur

Datanı qitələr arasında ötürən data mərkəzlərindən optik kabellərə qədər, Google dünyanın ən güvənli bulud infrastrukturuna malikdir. Datanızı qorumaq və gərək olanda sizə təqdim etmək üçün daima nəzarət edilir. Datanı çoxsaylı data mərkəzləri üzərindən təqdim edirik ki, bədbəxt hadisə olan zaman bir mərkəzdən digər mərkəzə avtomatik və ani keçid mümkün olsun.

Təhlükə aşkarlanması xidmətlərimizi qorumağa yardım edir

Spam, virus və digər ziyanverici proqramlardan qorumaq məqsədilə xidmətlərimizi və onların infrastrukturlarını daima nəzarətdə saxlayırıq.

Dövlət datanıza birbaşa daxil ola bilməz

Datanıza və ya datanızı saxlayan serverlərimizə arxa qapıdan giriş vermirik. Bu o deməkdir ki, ABŞ daxil olmaqla, heç bir dövlət istifadəçilərimizin məlumatlarına daxil ola bilməz. Bəzən hüquq mühafizə orqanlarından istifadəçi datası haqqında sorğular əldə edirik. Hüquq komandamız bu sorğuları nəzərdən keçirir və həmin sorğuların konkret olmadığı və ya düzgün prosesi izləmədiyi halda, onu geri göndərir. Şəffaflıq Raportunda bu data sorğuları haqqında mümkün qədər çox açıq olmaq üçün əlimizdən gələni etdik.

Şifrələmə Eyfel Qülləsinin şəklindən kənara çıxır

Gmail şifrələnməsi e-məktubları məxfi saxlayır

İlk gündən başlayaraq Gmail şifrələnmiş bağlantıları təqdim edirdi ki, pis adamlar göndərdiklərinizi oxuya bilməsin. Gmail eyni zamanda sizi mümkün güvənlik risklərindən qoruyur. Şifrələnməmiş bağlantı üzərindən göndərilən məktub aldığınız zaman Gmail sizi xəbərdar edir.

Gmail E-poçtu güvənlik darama xəbərdarlığı işarəsini göndərir

Gmail spamdan qoruma şübhəli məktubları filtrləyir

Ziyanverici proqram və fişinq hücumlarının çoxu e-məktubla başlayır. Gmail güvənliyi sizi spamdan, fişinqdən və zərərverici proqramdan qoruyan ən yaxşı e-poçt xidmətidir.

Maşının öyrənməsi və süni intellekt Gmail'in spam filtrinin daha səliqəli və dəqiq olmasına yardım edir. Hazırda spamın 99.9%-i gələnlər qutusundan kənarda qalır.

Güvənlik güncəllənmə proqresli Chrome Brauzeri

Chrome brauzer güvənliyinizi avtomatik güncəlləyir

Güvənlik texnologiyası daima dəyişir, buna görə də təhlükəsizlikdə qalmaq güncəl qalmaq deməkdir. Buna görə də Chrome istifadə etdiyiniz brauzerin son versiyada olmasını və son güvənlik düzəlişlərini həmişə yoxlayır. Bununla da ziyanverici (virus) və aldadıcı (fişinq) proqramlardan qorunma təmin olunur. Chrome avtomatik güncəllənir ki, sizi qoruyan ən son Chrome texnologiyasına malik olasınız.

Zərərli tətbiq telefona girməyə çalışır

Google Play zərərverici tətbiqləri telefonunuzdan kənar saxlayır

Cihazlarınızın güvənliyinə ən böyük təhlükələr onlara quraşdırdığınız tətbiqlərdən də gəlir. Aşkarlama sistemimiz ziyanverici tətbiqlərin onlar Play Marketə çatmadan öncə qarşısını alır. Tətbiqin güvənli olmasına əmin deyiliksə, Android Güvənlik Komandası onu manual yol ilə yoxlayır. Aşkarlama sistemimizi incələdiyimiz üçün Google Play'dəki tətbiqləri yenidən qiymətləndiririk və ziyanverici ehtimalının ola biləcəyi hər hansı bir tətbiqi dərhal yığışdırırıq ki, onlar cihazınıza çatmasınlar.

Google zərərli və aldadıcı reklamları bloklayır

Ziyanverici proqramlı reklamlar, görmək istədiyiniz məzmunu örtən reklamlar, saxta malları tanıdan reklamlar və reklam qaydalarını digər yollarla pozan reklamlar internet təcrübənizi pis günə qoya bilər. Buna çox ciddi yanaşırıq. Hər il canlı nəzarətçilərimizin və mürəkkəb proqramlarımızın köməyilə milyarda qədər zərərli reklamın qarşısı alınır. Həmçinin, zərərli reklamları xəbər vermək və istədiyiniz reklamları görmək imkanını sizə veririk. İnterneti hamıya güvənli etmək üçün ən uğurlu təcrübələrimizi fəal şəkildə dərc edirik.

Onlayn təhlükəsiz qalmaq üçün ən yaxşı məsləhətlər

Bu kiçik məsləhətlərlə onlayn hesablarınızı və şəxsi datanızı qoruyun.

  • Cihazlarınızı qoruyun

  • Fişinq cəhdlərindən yayının

  • İnternetdə təhlükəsiz axtarış edin

Google Güvənlik Qalxanı və yoxlama siyahısı

Güclü parollar yaradın

Güclü, təhlükəsiz parol yaratmaq onlayn hesablarınızı qorumaq üçün ən yaxşı üsuldur. Bunu heç vaxt unutmayacağınız, lakin başqaları üçün çətin olan sözlərdən yarada bilərsiniz. Və ya bir cümlə seçərək hər sözün ilk hərfindən parol yarada bilərsiniz. Parolu daha da güclü etmək üçün ən az 8 simvoldan istifadə edin.

Təhlükəsizlik suallarına cavab tələb edilərsə, daha da çətin tapılması üçün saxta cavablardan istifadə edin.

Eyni parolu heç vaxt ikinci dəfə istifadə etməyin

Hər bir hesab üçün unikal paroldan istifadə edin

Google Hesabı, sosial media profili və satış səhifələri kimi çoxsaylı hesablara daxil olmaq üçün eyni paroldan istifadə etmək təhlükəsizlik riskini artırır. Bu evinizi, maşınınızı və ofisinizi kilidləmək üçün eyni açardan istifadə etmək deməkdir – kimsə bunlardan birinə daxil olsa, digərlərinə də zərə verə bilər.

Çoxsaylı parolları izləyin

Chrome brauzerində Google Ağıllı Kilid kimi parol menecerləri fərqli onlayn hesabların bütün parollarını qorumaqda və izləməkdə Sizə kömək edir. O hətta təhlükəsizlik suallarına verdiyiniz cavabları da izləyə və Sizin üçün təsadüfi parol yarada bilər.

2 Addımlı Doğrulama ilə hücumçulardan özünüzü qoruyun

2 Addımlı Doğrulama hesabınıza daxil olmaq üçün istifadəçi adı və parolun üstündə ikinci faktordan istifadəni tələb edərək hesabınıza girişi olmayan şəxsləri kənarlaşdırmağa kömək edir. Məsələn, bu Google Doğrulayıcı tətbiqində yaradılan 6 rəqəmli kod və ya etibarlı cihazdan girişi qəbul etmək üçün Google tətbiqindəki bildiriş ola bilər.

Fişinqə qarşı əlavə qoruma üçün kompüterinizin USB portuna taxılan və ya NFC (Near Field Communication),yaxud Bluetooth ilə mobil cihazınıza qoşulan Təhlükəsizlik Açarından istifadə edə bilərsiniz.

Proqramınızı güncəl saxlayın

Zəif təhlükəsizlikdən qorunmaq üçün həmişə veb brauzeri, əməliyyat sistemi, plaqin və sənd redaktoru ilə güncəl proqramlardan istifadə edin. Proqram təminatını güncəlləmək üçün bildiriş aldıqda mümkün qədər tez güncəlliyin.

Əlçatan olan ən son versiyadan istifadə etdiyinizə əmin olmaq üçün proqram təminatını nəzərdən keçirin. Chrome brauzeri daxil olmaqla bəzi xidmətlər özlərini avtomatik yeniləyəcək.

Ekran kilidi istifadə edin

Kompüter, diziüstü kompüter, planşet və ya telefondan istifadə etmədikdə digərlərinin cihazınıza daxil olmaması üçün ekran kildindən istifadə edin. Əlavə təhülkəsizlik məqsədilə cihaz mürgü rejiminə keçdikdə avtomatik kilidlənməsini ayarlayın.

Telefonu itirsəniz, onu kilidləyin

Telefonunuzun itdiyi və ya oğrulandığı halda, datanızı bir neçə kiçik mərhələ ilə qorumaq üçün Hesabım bölməsinə daxil olun və "Telefonu Tapın" seçimini edin. Android və ya iOS cihazınıza varsa, telefonunuzu uzaqdan tapa və kilidləyə bilərsiniz, beləliklə, heç kəs telefonunuzdan istifadə edə və şəxsi məlumatınıza daxil ola bilməz.

Brauzer Chrome'da qorunan parolları göstərir

Potensial zərərli tətbiqləri telefonunuzdan uzaq tutun

Mobil tətbiqləri həmişə etibar etdiyiniz mənbədən endirin. Android cihazlarını qorumaq üçün Google Play Qoruma endirmədən öncə Google Play Mağazadakı tətbiqləri təhlükəsizlik yoxlanışından keçirir və digər mənbələrdəki potensial zərərli tətbiqlər üçün cihazınızı vaxtaşırı yoxlayır.

Datanızı qorumaq üçün:

  • Tətbiqləri nəzərdən keçirin və istifadə etmədiklərinizi silin
  • Tətbiq mağazası ayarlarına daxil olun və avtomatik yenilikləri aktiv edin
  • Yalnız etibar etdiyiniz tətbiqlərdə məkan və foto kimi həssas dataya giriş icazəsi verin

E-poçt fırıldaqçılığı, saxta mükafat və hədiyyələrdən ehtiyatlı olun

Kənar şəxslərdən gələn mesajlar həmişə şübhəlidir xüsusilə də doğru ola biləcək dərəcədə yaxşı göründükdə — nəsə qazandığınızı bildirmək, sorğunu tamamlamaq üçün mükafatlar təklif etmək və ya pul əldə etmək üçün qısa üsulları təşvik etmək kimi. Heç vaxt şübhəli linklərə klikləməyin, şübhəli forma və sorğulara şəxsi məlumatınızı daxil etməyin.

Şəxsi məlumat tələblərinə diqqət edin

Parol, bank hesabı, kredit kartı nömrəsi və doğum günü tarixi kimi şəxsi məlumat tələb edən şübhəli e-poçtlara, ani mesajlara və popap pəncərələrə cavab verməyin. Mesaj etibar etdiyiniz saytdan (məs, bank) göndərilsə belə, heç vaxt linkə klikləməyin və ya cavab mesajı göndərməyin. Hesaba daxil olmaq üçün birbaşa veb sayta və ya tətbiqə keçmək daha yaxşı üsuldur.

Yadda saxlayın ki, düzgün sayt və xidmətlər e-poçtla parol və ya maliyyə məlumatı tələb edən mesajlar göndərməyəcək.

Təqlidçilərlə ehtiyatlı olun

Tanıdığınız kimsə Sizə e-məktub göndərirsə, lakin mesaj qəribə görünürsə, onların hesabı oğrulanmış ola bilər.

Diqqətli olun:

  • Mühüm pul tələbləri
  • Başqa ölkədə çətin vəziyyətdə qaldığını iddia edən şəxs
  • Telefonunun oğurlandığını və ona zəng etməyin mümkün olmadığını deyən şəxs

E-məktubun düzgün olduğunu doğrulayana qədər mesaja cavab verməyin və ya linkə klikləməyin.

Endirmədən öncə faylları iki dəfə yoxlayın

Bəzi təkmilləşdirilmiş fişinq hücumları virus keçmiş sənədlər və PDF əlavələri ilə reallaşa bilər. Şübhəli əlavə görsəniz, onu təhlükəsiz şəkildə açmaq və cihazınıza keçmək riskini azaltmaq üçün Chrome və ya Google Disk istifadə edin. Virus aşkar etsək, Sizə xəbərdarlıq göndərəcəyik.

Təhlükəsiz şəbəkələrdən istifadə edin

İctimai və ya pulsuz, hətta parol tələb edən WiFi şəbəkəsindən istifadə edərkən ehtiyyatlı olun. İctimai şəbəkəyə qoşulduqda ətrafınızda olan hər hansı biri daxil olduğunuz veb saytlar və həmin saytlara daxil etdiyiniz məlumat kimi İnternet fəaliyyətinizə nəzarət edə bilər. İctimai və ya pulsuz WiFi yalnız Sizin seçiminizdirsə, Chrome brauzeri sayt təhlükəsiz olduğu halda, Sizə ünvan panelində məlumat göstərəcək.

Həssas məlumat daxil etmədən öncə təhlükəsiz bağlantı tapın

Vebdə axtarış edərkən – xüsusilə parol və ya kredit kart detalları kimi həssas məlumatı daxil etmək istəyirsinizsə, – əmin olun ki, daxil olduğunuz saytlardakı bağlantınız təhlükəsizdir. Təhlükəsiz URL HTTPS ilə başlayacaq. Chrome brauzeri linkdə yaşıl, tamamilə kilidlənmiş ikona göstərərək "Təhülkəsiz" deyəcək. Təhlükəsiz deyilsə "Təhlükəli" deyəcək. HTTPS brauzeri daxil olduğunuz tətbiq və veb saytları qoşmaqla axtarışınızı təhlükəsiz saxlayır.